სასწავლო პროექტის პორტფოლიო

საქაღალდის ბმული

მერვე დღე

დღეს განვიხილეთ ძალიან საინტერესო საკითხი- როგორ შევქმნათ ფონოგრამა. გავეცანით საინტერესო მასალებს. გადავხედეთ სასწავლო პროექტის პორტფოლიოს, სასწავლო გეგმას. ჩვენი ტრენერი 1 წუთს არ კარგავს უსარგებლოდ. მადლობა მას.

დღე მეშვიდე

დღევანდელი დღე მეტად მნიშვნელოვანი იყო. განვიხილეთ: მოსწავლეთა პროექტების შეფასება, შეფასების სტრატეგიები,შეფასების კრიტერიუმები და ინდიკატორები. ვიმუშავეთ ჯგუფებში, პრაქტიკულად შევასრულეთ რამოდენიმე აქტივობა. პასუხი გაეცა ტრენერის მიერ უამრავ გაურკვეველ საკითხებს. დიდი მადლობა დიმას.

მეექვსე დღე

დღეს ყველაზე მნიშვნელოვანი იყო პრეზენტაციის ბლოგზე ატვირთვა. გარდა ამისა განვიხილეთ, როგორ უნდა დაიგეგმოს და შეფასდეს მოსწავლის ნაშრომი, დავიწყეთ მუშაობა პრეზენტაციაზე მოსწავლის როლში, ვისაუბრეთ ბევრ საინტერესო საკითხებზე.

ჩემი პროექტის პორტფოლიო

                                                დღე   მეხუთე

   დღევანდელი  ტრენინგი  იყო  ძალიან  საინტერესო.  განვიხილეთ  21-ე  საუკუნის  უნარები,  ვისაუბრეთ  უკუკავშირზე,  მოსწავლეზე  ორიენტირებულ  გაკვეთილზე  მოსწავლეები  აქტიურ  მონაწილეობას  იღებენ  შეფასებაში.  ზოგიერთი  მოსწავლისთვის  ეს  შეიძლება  რთული  აღმოჩნდეს.  მოსწავლეს  სჭირდება  ბევრი  ახალი  უნარის  გამოყენების  შესაძლებლობა;  განსაკუთრებით:  სწავლის  პროცესში  სირთულეების  გამოვლენა  და  მათი  დაძლევის  სტრატეგიის  შერჩევა,  თანატოლებისთვის  უკუკავშირის  გაზიარება  და  მათგან  მიღება.
    გავეცანით  უკუკავშირის  კომენტარის  ნიმუშებსაც-  დასაწყის  ფრაზებს.
    განვიხილეთ  ტექნოლოგიების  გამოყენებასთან  დაკავშირებული  სამართლებრივი  და  ეთიკური  პრაქტიკის  მოდელირებისა  და  სწავლების  საკითხები,  ინტერნეტში  ძიების  სხვადასხვანაირი  საშუალებები,  დაწვრილებით  გავეცანით  ძიების  ხერხებს  და  ბევრ  სხვა  ჩვენთვის  საჭირო  საკითხებს.
     დიდი  მადლობა  ბატონ  დიმას  ასეთი  მრავალფეროვანი  ინფორმაციის  გაცნობისა  და  შესწავლისათვის.

დღე მეოთხე

დღევანდელი  ტრენინგი  საკმაოდ  დატვირთული  იყო  საინტერესო  საკითხებით.  განვიხილეთ  განმავითარებელი  შეფასების  მიზანი  პროექტის  დასაწყისში,  მსვლელობისას  და  დასასრულს.  ვიმუშავეთ  მეთოდებზე  და  ინსტრუმენტებზე,  გავეცანით  პრეზენტაციის  ნიმუშებს.
 
       ვფიქრობ,  გამიადვილდება  საშინაო  დავალების  შესრულება.
 
       მადლობა  ჩვენს  ტრენერს!